هاي عيالك ** هاي أطفالك

هاي عيالك ** هاي أطفالك
يمك لفت خطار ** وبكل قلب تذكار
هاي أطفالك

هاي الأرامل عودت هالليلة والأيتام ** بعد أربعين ويا العدة من أصعب الأيام
ولقبرك بلهفة اعتنت تشكي لك الآلام ** من لوعة الكوفة أشد لوعة مرار الشام

شتقول لو تنشدها ** شتقول وش ضل عندها
لو تدري بيها شصار ** وبكل قلب تذكار
هاي أطفالك

هاي عيالك ** هاي أطفالك
يمك لفت خطار ** وبكل قلب تذكار
هاي أطفالك

حين الي شافت كربلاء هاج الحزن والنوح ** تتذكر بهاي الأرض دم ودمع مسفوح
لخيمها مهرك من رجع يخبرها يا مذبوح ** واليها يالي منها رحت محتارة وين تروح

وبيوم قطعوا نحرك ** وبيوم هشموا صدرك
بخيمها شبت نار ** وبكل قلب تذكار
هاي أطفالك

هاي عيالك ** هاي أطفالك
يمك لفت خطار ** وبكل قلب تذكار
هاي أطفالك

تروي لك أخبار السبي متعنية يا مظلوم ** من الهضم مثل الكطة بين القبور تحوم
هاي لأبنها تخاطبه يا سلوة أمك قوم ** ذيج لأبوها تعاتبه بلوعة وحزن وهموم

ما بين صاحت بويه ** ما بين صاحت خويه
دم هلت الأنظار ** وبكل قلب تذكار
هاي أطفالك

هاي عيالك ** هاي أطفالك
يمك لفت خطار ** وبكل قلب تذكار
هاي أطفالك

الليلة لعي الأكبر أجت يم قبره تشكي الحال ** جرحك تقلل بالقلب متوسع وقتال
ورملة يا جاسم ناذته يا شمعة الآمال ** وبليلة الزفة طفت من دمعي الهمال

حنيت يا بني لشوفك ** حنيت دم جفوفك
طبع الزمن غدار ** وبكل قلب تذكار
هاي أطفالك

هاي عيالك ** هاي أطفالك
يمك لفت خطار ** وبكل قلب تذكار
هاي أطفالك

يم الرضيع تناديه عبد الللع يا رجواي ** أقعد أرضعك ذرتي يلما شربت الماي
حرموني منك يا وسف يا دهرتي بدنياي ** لا وني بعدك ينقطع لا بطل من بجاي

وشلون أقطع نوحي ** وشلون تشفه جروحي
ولكل جرح آثار ** وبكل قلب تذكار
هاي أطفالك

هاي عيالك ** هاي أطفالك
يمك لفت خطار ** وبكل قلب تذكار
هاي أطفالك

سكنة العزيزةمن هوت يم قبر ابوها حسين ** قوم اتراب الذي هوت وصاحت يا نور العين
سلوته أ،ت وسولتك منك حرمها البين ** يا بويه هم عندك خبر عنك رحت لا وين

ظلام وتولوني ** ظلام ما رحموني
ولا والي نغار ** وبكل قلب تذكار
هاي أطفالك

هاي عيالك ** هاي أطفالك
يمك لفت خطار ** وبكل قلب تذكار
هاي أطفالك

-----------------------------