انفقدت بدم الحسين

الصلاة والسلام على افضل الانبياء و المرسلين محمد علية وعلى الة السلام اجمعين ولعنة اللة على اعدائهم الى ابد الابدين
اخواني واخواتي الاعزاء
احببت اليوم ان تشاركوني هذة القصيدة الرائع جدا بحق الامام الحسين علية السلام
للشاعر ناظم عبد الامير الحاشي
القصيدة اسمها الجاذبية



الجاذبية انفقدت بدم الحسين
وقوة نيوتن بقت متوهمة
شلون دم حسين مارد للتراب
وليش ماطاح او شني الحكمة ولمة
اذن جان حسين اقرب للالة
وخارج انظار الجموع المجرمة
من شمر دمة اذن جان اتصال
بين جف حسين واطراف السما
لو فرضنا الدم اخف من الهواء
والجبال من الارض ترفعها ريح
اذن فوق الكاع متسيل الدماء
والرسول باحد ما يوكع جريح
اوجان ما سالت دماء الاكرمين
ودم علي الكرار مالازم ايطيح
اذن جانت معجزة بدم الحسين
وجان قانون الجذب جدا صحيح
مااكول حسين افضل من ابوة
وجدة اعظم منة وارفع منزلة
لكن بدمة ذبح كل السيوف
وهاي معجزة الحسين بكربلاء
لوما دم حسين ماظلت جباة
تعبد الباري وكتابة ترتلة
ولوما دم حسين ما طاحت عروش
ولوم دمة الظلم ما جان انجلة
ولوما دمة الدين ما جان استقام
وهذا قولة من كدر يتجاهلة
ولوما دم حسين طعنوا بالكتاب
وجان رفضوا حتى باء البسملة
للقيامة ايظل نهر دم الحسين
يروي كل عطشان غيرةو مرجلة
ودمة يوم صعد لاطراف السما
سهلة عند الباري مو معضلة
الكاع خافت من ذنب دم الحسين
والسما تضرعت تستقبلة
ونزل جبريل وحظن دمة الشريف
لان قبل الكاع راد ايقبلة



وتمت الجاذبية نسالكم الدعاء
اختكم / ام فضل