قـصـدت العباس و الهم قصد وياها

الشاعر المرحوم الشيخ معين السباك
زيـنـب قـصـدت العباس و الهم قصد وياها
و حـيـن الـشـافـها العباس تتعثر إبممشاها
طـلـع مـن خـيمته مغضب و الزينب تلقاها
هـلـه يـا زينب إيقلها ...هله يا سلوتي كلها
زيــنــب لــعــد كــافـلـهـا
صـدت و الـقـلب داوي و إختنقت إبعبرتها

أسـولـفـلك يبو فاضل عودك ليش راد أمك
و عـن طـيبة نسب حره أبونه من نشد عمك
إنـت غـايـتـه مـنـها و إلها النايبه ضمك
أبـونه المثل هذا اليوم ...ضمك ذخر يا جيدوم
هــاي الــخــيــل هـاي الـقـوم
و هـذي كـربله و عودك وصيته هاي ساعتها

إغـتـاظ و قال يا زينب شنهي الخيل و إتهمج
أخـوتـي و صارمي بيدي و فنه اليقحم إخيمج
و حق الحسن يا زينب و جبده و كسر ضلع أمج
لخلي إجموعها طشار ...و أخلي النايحه إبكل دار
و أخـلــي كــربــلــه تـذكـار
و أخـلـي الناس جيلٍ جيل ما ينسون عملتها

و ثـلـثـتـنـعام أبو فاضل مثلما قال سواها
فـنـه ذيـك الزلم و الخيل تموج إمرود خلاها
و زيـنـب واقـفـه و إتشوف وبعباس تتباها
ساعه و طاحت الرايه ...من أخوها إعله المسنايه
طــاح و ظـلـت الـثـايـه
طـاح و صـاح أبو فاضل يا زينب و هضمتها

طـاح وصـاح يـا زيـنب العذر مني لله وليج
لـون ايـدي تلوح السيف ماجان العدا توليج
يـا زيـنب هامتي وعيني ويميني ويسرتي تفديج
يـا زيـنـب من توفيني ...وحياة امج تعذريني
وســهــم الــنـايـبـه بـعـيـنـي
يـا زيـنـب تـشـوفـينه جان لجبدتج فتها