علي لكبر جنه حيدر

علي لكبر جنه حيدر
علي لكبر بالحرب جنه حيدر من يطب

حيدر ابداً ما يموت وحتى لو ميت عدل
حتى لو ميت صفاتة ويه نسله تتصل
الاسد لا بد شبل اليشبها بين النسل
هذه لكبر جنه حيدر منه هو هالشبل

من يقاتل ما يجامل
لليجيلة ويقترب جنه حيدر من يطب

حيدر اهو بالمعارك بالخصم يسحل سحل
كل صبع من جفه ندري ينعد ابمية رَجل
ضل يعيد الاكبر اهو صولته الحيدر قبل
غسلة الميت يكلهم كلمن اهو يغتسل

خل يودع خل يوقع
موته عندي منكتب جنه حيدر من يطب

حيدره الجان ابخزرته ترتجف ارض وسمــه
والارض حمره اهي تصبح من كثر سيل الدمه
هذه لكبر واليجيله راسه بيده ايسلمــــــــــــه
واليسأله ما يجاوب سيفه ضل ايكلمـــــــــه

واليعرفه خل يوصفه
بالوصف لكبر صعب جنه حيدر من يطب

ندري ابن ود اهو حيدر قاتله ومحد نكر
من كطع رجلينه ندري حيدره اعليه انتصر
هذه ابن غانم بطلهم ما احد جاه وعبر
بس الاكبر كابله اهو وراسه بيديه انشطر

راسه بيده حز وريده
يضرب وما ينضرب جنه حيدر من يطب


بالحرب لكبر طبكها الميمنة عالميسره
هذه لكبر كلها صاحت بالحرب لو حيدره
جنه حيدر لمن اهو سيفه بيده يشهره
جديش امية من نضرلة ضل يعاود لي وره

واليشوفه يبدي خوفه
يشعر اهو بالرعب جنه حيدر من يطب

هذه يومك كله ابوه وكله مو تأمر امر
يا حُسين ايكله اخلي كل بطل عدهم يفر
كله لجدامك لخلي يركع اليوم الشمر
كل شخص بيهم لخله حاني راسه ويعتذر

سامحونة وعذرونة
كلها ضلت تنسحب جنه حيدر من يطب

لخادم اهل البيت / حيدر الحلفي