عدد المساهمات : 26 نقاط : 78 السٌّمعَة : 0 تاريخ التسجيل : 31/10/2013
موضوع: شمس الغاضرية الأربعاء نوفمبر 13, 2013 2:33 pm
قصيدة : شمس الغاضرية
قصيدة تشرح لسان حال الخيال وهو يطوف في جوانب ملحمة الطف الخالدة ويصور مشاهد موكب النور الإلهي المعظم .. وفيها لمحات من سيرة شبيه المصطفى صلوات الله عليه علي الاكبر ابن سيد الشهداء صلوات الله وسلامه عليهما ثواب القصيدة الى قرائها الكرام وأمواتهم وأموات شيعة أمير المؤمنين المنسيين خصوصاً الشهداء الكرام وخدام سيد الشهداء روحي فداه وأسألكم الدعاء
أشبه الناس ابرســـول الله محمد صلوات الله عليه برز للحومه يناس اشلون مشهد صلوات الله عليه أمه تدعـي ... سالم ايــرد كـــــون ليه علي الاكبر ... شمس أرض الغاضريه صلوات الله عليه
الموت علحگ بويه صار اقصى مرامي وكربله صارت أمـَل روحــــــي وغرامي والعزيمـــة ... اتجــاوزت حد ميه ميه علي الاكبر ... شمس أرض الغاضريه صلوات الله عليه
2 دارت اعيون القوافــــي وشاهدتهُــــم من بعيد علي الأكبر أبو الوجه المشـــرق وطبع الحميد يمشي وبصفه الگمر عبـاس ذو البأس الشديد شامخ يحاور بطل مشهور بالــــــــراي السديد عاهِـدَوا فدوة لبو اليمــــه يــِـضحّــــون الوريد والعهد للموت ضد جيش الدعــي الطاغي يزيد
شمس هاشم يحچي ويّه گمـر هاشم يگله باچر ملحمــة وإحنـــه ضيـاغم باچر الـــدم ... بَحَــر بــي تِسبــح أميه علي الاكبر ... شمس أرض الغاضريه صلوات الله عليه
3 علي الاكبر بالجلالــــــه وبجمـــــــال القد مؤيد نور ساطع نجم لامــــــع وابسماء الرفعـه فرقد چان لليشتاق ينظر وجـه جـَدّه النبـــــي مَگصد طبع واخـلاق الرسـول وكــل كـمالـَـه بي تجسَّد يعني كلمن شافه چنـَّـه بالحفيـــــد ايشاهد الجَد والسمع منطق كلامه ايگـول چن سامع مُحمَّـد
ومن علــي الكــرار وارث ذو الفقاره وهم ورث عطفه وحنانه اعله الفقاره هلشـَمايـــل ... أحمديـّــة و حيـدريــــة علي الاكبر ... شمس أرض الغاضريه صلوات الله عليه
4 وبخضم هذي المشاهد شاهـدِت حرب الطفوف شفت فارس نوره زاهر يخترق ذيچ الصفـوف علي الأكبر چن ملاك المـــوت بالحومه يطوف سيفه عادل بالمعاره ايـــــوزِّع اعليها الحتوف ومن برز بكر إبن غانم وامه بالخيمة وتشوف صاحت ادخيلك يربي على وليدي بگلبي خوف
واستجاب اللـه ورجـــع سالِــم الاكبر لچن چبده امن الضمه انفـَت وتِفطــَّـر ها يـَيـُـــمه ... تگله بالنبــــرة الشجيه علي الاكبر ... شمس أرض الغاضريه صلوات الله عليه
5 هذي وقعة كربله مو بس حِـبر فـــوگ الورق والخيال ابلا شعور ابكـــــــــل جوانبهه انطلق هذي ثورة عالميــة بيهــــــه حتى الـــدم نطق بين درب الخير والشــر هيِّـــه صارت مُفتـَرق علي الأكبــر بيهــا نور ابعزمـه وابزوده انبثق كل فجر يشرق شعاع ايضوي آفــــــاق الغسق
صار مشعل تقتــــدي بيـهِ الشبيبـه من وگف للدين باللحظــه العصيبه أبو الغيرة ... والشهـــــامه الهاشِميــه علي الاكبر ... شمس أرض الغاضريه صلوات الله عليه 16/10/2013 يوم عيد الأضحى المبارك
وهنا نفس القصيدة مع مقاصير تماماً كما في المستهل للراغبين بقرائتها بهذا الشكل
أشبه الناس ابرســـول الله محمد صلوات الله عليه برز للحومه يناس اشلون مشهد صلوات الله عليه أمه تدعـي ... سالم ايــرد كـــــون ليه علي الاكبر ... شمس أرض الغاضريه صلوات الله عليه 1 سافرت ويه الحروف الكربله وشفت العجايب شفت موكب متجه وبكل ثقه الصوب النوايب موكب النور الإلهي ابلا وَجَـل للمـــوت ذاهب بين يافع بين شايب بيــــن ماشي وبين راكب كل فرد بيهم فدائــي بالحسيـــن وحبـــه ذايب شفــت الاكبر بالطريق الوالـده بـــادر يخاطب الموت علحگ بويه صار اقصى مرامي ربي يشهد عالأگول كربله صارت أمـــَل روحــــــي وغرامي ربي يشهد عالأگول والعزيمـــة ... اتجــاوزت حد ميه ميه علي الاكبر ... شمس أرض الغاضريه صلوات الله عليه 2 دارت اعيون القوافــــي وشاهدتهُــــم من بعيد علي الأكبر أبو الوجه المشـــرق وطبع الحميد يمشي وبصفه الگمر عبـاس ذو البأس الشديد شامخ يحاور بطل مشهور بالــــــــراي السديد عاهِـدَوا فدوة لبو اليمــــه يــِـضحّــــون الوريد والعهد للموت ضد جيش الدعــي الطاغي يزيد شمس هاشم يحچي ويّه گمـر هاشم والدرب نور اعله نور يگله باچر ملحمــة وإحنـــه ضيـاغم والدرب نور اعله نور باچر الـــدم ... بَحَــر بــي تِسبــح أميه علي الاكبر ... شمس أرض الغاضريه صلوات الله عليه 3 علي الاكبر بالجلالــــــه وبجمـــــــال القد مؤيد نور ساطع نجم لامــــــع وابسماء الرفعـه فرقد چان لليشتاق ينظر وجـه جـَدّه النبـــــي مَگصد طبع واخـلاق الرسـول وكــل كـمالـَـه بي تجسَّد يعني كلمن شافه چنـَّـه بالحفيـــــد ايشاهد الجَد والسمع منطق كلامه ايگـول چن سامع مُحمَّـد ومن علــي الكــرار وارث ذو الفقاره والنِعم منـّه الأصيل هم ورث عطفــه وحنانه اعله الفقاره والنِعم منـّه الأصيل هلشـَمايـــل ... أحمديـّــة و حيـدريــــة علي الاكبر ... شمس أرض الغاضريه صلوات الله عليه 4 وبخضم هذي المشاهد شاهـدِت حرب الطفوف شفت فارس نوره زاهر يخترق ذيچ الصفـوف علي الأكبر چن ملاك المـــوت بالحومه يطوف سيفه عادل بالمعاره ايـــــوزِّع اعليها الحتوف ومن برز بكر إبن غانم وامه بالخيمة وتشوف صاحت ادخيلك يربي على وليدي بگلبي خوف واستجاب اللـه ورجـــع سالِــم الاكبر وامه تنظـر بالخيام لچن چبده امن الضمه انفـَت وتِفطــَّـر وامه تنظر بالخيام ها يـَيـُـــمه ... تگله بالنبــــرة الشجيه علي الاكبر ... شمس أرض الغاضريه صلوات الله عليه 5 هذي وقعة كربله مو بس حِـبر فـــوگ الورق والخيال ابلا شعور ابكـــــــــل جوانبهه انطلق هذي ثورة عالميــة بيهــــــه حتى الـــدم نطق بين درب الخير والشــر هيِّـــه صارت مُفتـَرق علي الأكبــر بيهــا نور ابعزمـه وابزوده انبثق كل فجر يشرق شعاع ايضوي آفــــــاق الغسق صار مشعل تقتــــدي بيـهِ الشبيبـه بي وضح درب الكفاح من وگف للدين باللحظــه العصيبه بي وضح درب الكفاح أبو الغيرة ... والشهـــــامه الهاشِميــه علي الاكبر ... شمس أرض الغاضريه صلوات الله عليه