للجواد

اكصد للجــــــــــــــواد بخالص النيه
بفظل الله الحـــــــوائج كلهه مقضيه

اكصد للجـــــواد واشـــــــرح الحاله
وعـــــله الشباج طيح بدمعه هماله

حلـــفه بالذبيح و يـــومه وعيـــــاله
ماخيـــــبله زايــــر شوف ماضــــيه

اذا هــمك بحـــــر تتـــلاطم امواجه
اكصد للجواد و تنكـــــــضي الحاجه

عطـــاي المراد وكـــلشي تحتاجه
وكله انته التــــــداوي كل جرح بيه

فـــــاتح بالكرم والجـــــود الك ايده
بس حلفه بشــــبابه وكول التريده

بعلي الاكبر تذكره وكطـعت اوريده
حاشك ايردك وتســـــــمع المعليه

اهـــــل البيت للو ادم اجــــو رحمه
شكو مهموم اجاهم ينــجلي همه

ينطيــــك الــتريده يالتـــــحب يمه
قبل لاتــــــــوصل اهلك هيه منهيه

اطلب حاجتك وادعي الجميع الناس
ماينسانه ادري ومنبع الاحســــاس

حلفه بزينب وعــــمه البطل عباس
يوفق الشيعه للخدمه الحســـينيه

من تطلب الحاجه اخبره بالمـطلب
يدعي الله الجواد وادري ماتصــعب

من كل سوء خل يحفظ كبر زينــب
مــــهدد للهدم من الو هــــــــابيه

هشام الشيباني