انه شيعي

آنــــــه شيـعـي وحـــب علــــــــــــــــي عنـــــوانــي
*** *** *** *** *** ***
آنه شيـــــعي وافتــــخر بولايـــــته
من الزغر رضعتني امي امحبته
عمري كله ايروح فدوه الحـضرته
آنه ضـــــامي وحـب علي رواني
*** *** *** *** *** ***
وي علي موقعين بالــــدم للأبــــد
والضمير ايصــــــيح ياحيدر مدد
ياعلي امن انصيح تنحل الشــــدد
بنور حــــبه وثقــــــت ايمانــــــي
*** *** *** *** *** ***
يالـــتريد اتــــفوز دنـــيه وآخـــره
خله يفعم كلــــبك بحــــب حيدره
علــــــي قبله وللــــخلايق مفخره
وغير ابو الحملات ماحب ثانـــي
*** *** *** *** *** ***
بعالم الذر وآنه بسمه اتعلقــــــيت
وشلت حبه من على الدنيه اجيت
وآنه اسم المرتضى اول ماحجيت
وشغل افكاري وسـكن وجدانــــي
*** *** *** *** *** ***
حته نبضات الكـــــــلب تنده علي
اغله من الروح ابو الحسنين الي
عله اعناد اهل السقيفه وعاذلـي
آنه احبه ولطــف شوكه امتانـــــي
*** *** *** *** *** ***
علي يشهدله العدو قبل الصديق
علي وي الفقره ارق مـــن الرقيق
منهو غيره انولد بالبيت العتيق
ودربه نـــور الله ونهج عرفانــــي
*** *** *** *** *** ***
علي ابهذا الكون ابد ماله نضير
الباري كبــــل الخلق خلاه الامـــــير
ورفع ايده المصطفى ابيوم الغدير
وكــــــال مــن واله علي ولانـــــــي
*** *** *** *** *** ***

هشام الشيباني