رايحيـــــــــن *** خــويــه راح إتضـــل غريــب

رايحيـــــــــن *** خــويــه راح إتضـــل غريــب
رايحيـــــــــن *** وإنـــتَ عــالغبـــره سَليـــــــب
ﮔـــــوَّه لـــديــــار الغُـــــرب
عنـــك إمشينـــه غَصـــــب
ـــــــــــــــــ
خـويـه راح إنعـوف طَفَــك بــالعَويــل وبـالنيـــاح
غَصبـن إعلينـه يخــويــه تملـي لـﮕلـوب الجــراح
عفنـه جسمك عالـوطيــه وراسـك إتشيله الـرماح
تلاعب الشيبـه الخضيبـه العالرمح خويه الـرياح
رايحيـــــــــن *** يـا إعـــز وإغــلا حبيــــــب
رايحيـــــــــن *** والـــدمـع مــن دَم سـﭽيــــب
بنـــــار تسعـــــر بـالـﮕلــــب
عنـــك إمشينـــه غَصــــــب
ـــــــــــــــــ
الشمـر بـالســوط لـَــوَّح وبشمـاتــه ضـل يصيـــح
لليسـر ﮔـومـي يـزينـب يــالله يــا إخــت الــذبيـــح
اَنظــر إبعيــن المَحَنَّــه الجسمــك وﮔلبـي جَـريـــح
شما إعيـن جـدامي ووﮔف خويه هـم إرجع وإطيح
رايحيـــــــــن *** وإنـت بــدمـومـك خَضيــب
رايحيـــــــــن *** إصـرخ ومـا مِــن مجيــــب
وبــدمـــع عينــــي اليصــــب
عنـــك إمشينـــه غَصــــــب
ـــــــــــــــــ
سـاعـه تربي إعليك عينـي ساعـه تربـي عالكفيـل
سـاعـه للعريس إعايـــن والـدمـع مـن دم يسيــــل
وإنظر إبحسره الرضيعك وإجري يحسين العَويل
ساعه إصيحن وين الإكبر يرضى إركب عالهزيل
رايحيـــــــــن *** يــا إبــو الخَـد التَـــريـــب
رايحيـــــــــن *** يــا ذَبيــح ويـــا غـريـــب
بســوط كـل ســاع إنضــرب
عنـــك إمشينـــه غَصــــــب
ــــــــــــــــ
شِبـﮕت إبجسمـك رقيــه ويـانـه مـا ترضى تـروح
تصيـح يـا عمـه تعالـي إنـداوي إبونه إمنالجـروح
شلـون إسكتهـا يخـويـه تشـاهـد الــراس وتنــــوح
بسوطـه ﮔـومهـا عـدوك وآنـه مـا ضـل بيـه روح
رايحيـــــــــن *** والـﮕلـب يسعـــر لهيـــــب
رايحيـــــــــن *** بـالبـــواﭽــي وبـالنَحيــــب
بـالقصــور إشلـــون إطــــب
عنـــك إمشينـــه غَصــــــب
ـــــــــــــــــــ
خـويـه شيسكت بنـاتــك لطمـن إعلـيـك الخــدود
هــايَّ سكنـه إمنـالبـواﭽـي مـا تبطـل ولا تهــود
تصيح خليني إويّ إبونه إو ويَّ مـﮕطوع الزنود
بلـﭽـي إموت إهنا يَعمـه وإرتمي إبحظن اللحود
رايحيـــــــــن *** مـا بـﮕـه الضلتـي نصيـب
رايحيـــــــــن *** وبجـرح مـا ظـن يطيـــب
يـاللــي نـــايـــم عــالتـــــرب
عنـــك إمشينـــه غَصــــــب