ياااااااااااااااااااا زينب

منين طيبة ياعرب دلوني
آنا زينب واخوتي عافوني
^^^^^^^^^^^^^^
آنا مذهولة وحق حيدر علي
صدق ما واحد بقا لي من هلي
شفتوا حرة بيوم ماعدها ولي
لوانا اول ثاكلة تشوفوني
*****************

مو أخو عندي انا عندي قمر
مااله واحد شبيه بهالبشر
قلبي جاسي وعفته واقع عالنهر
لو انا الميتة فلا ترثوني
*****************

حسين شفته وقع من ثقل الحديد
والشمر يمه يتدنى من بعيد
للوريد الراس حزه للوريد
تكون عمية ولا تشوفه عيوني
*****************

آنا جدي الزارها السبع الطباق
ياهو غيره اللي اعتنى ظهر البراق
وين غيرتكم صفت ياهل العراق
ضيفة عندكم وانسبي تخلوني
*****************

انا الكم جيت جابتني اخوتي
وفدا العباس جهز ناقتي
مادريت تصير عدكم محنتي
جنت اظنن انتم التحموني
*****************

انا زينب عودي حماي الدخيل
ليش منكم هذا نكران الجميل
دم محمد هذا هالقاعد يسيل
وانتو ماجنكم اناتعرفوني
*****************

الكوفه جانت هذي تربة حيدره
شنهو غير حالها وشنهو الجرى
شلون ترضى يزيد يلفي بعسكره
وآل اميه قبالكم يسبوني