لا زال اوياي ـ مرفوع الواي ـ ما ريد الماي

لازال اوياي - مرفوع الواي - ما ريد الماي

يـا بـالـفـضل من الزغر متعود اعليك
لو لحظه عن عيني غبت أحزن واحن ليك
واشتاق إلك يا با الفضل وبروحي اخليك
إنته الأمل و انته الأُخو وآنه احتزم بيك
أغـلـه مـن الـروح - ما أرضه اتروح
يـا ضـي عـيـنـاي- مـا ريد الماي

مـن فـارقت وجه الحسن وجهك نظرته
بـالـغـربـه يا ريحة علي تصفى لي إنته
تـدري الإخـو بـعـد الإخو تنشل يمنته
صـعـبـه عـلى المثلي تره تنزل دمعته
يـا لـيـث الـكـون - ويـاك اتهون
مـتـهـمـنـي اعـداي - ما ريد الماي

ظهري انكسر بعد الحسن وانصابت العين
يـا خـويه تدري لو طحت إتكسره مرتين
بـعـدك يـميزان الوفه ما يحصل معين
تـقـبـل تروح وما ترد واتعوفه لحسين
جـودك مـعـروف - تـدفع له اجفوف
مـن أحـسـب هـاي - مـا ريد الماي

مـا عـلّمت روحي أبد خويه اعله فركاك
يـا خـويـه لو يمّي تظل لو أمشي وياك
أدري الـطـفـل من الخيم يا عمي ناداك
هـاك استمع نبض القلب هاك الدمع هاك
بـعـدك مـا عـيش - يالوحدك جيش
أقـبـل بـضـمـاي - مـا ريد الماي

ريـتك تظل يا با الفضل نار الضمه اتهون
آنـه ارتـوي مـن شوفتك يا نور العيون
مـن هـيـبتك سبعين الف منك يخافون
وحـدي يـبو الغيره أظل وبزينب اشلون
خـلـيـنـه انـصـول - يا حيدر قول
يـا نـعـم الـراي - مـا ريـد الـماي

إنـت عـلـيـك الـميسره واليمنه ليه
يـا بـا الـفـضل آخر فصل نبرز سويه
راويـهـم افـعـال الأسد حامي الحميه
بـالـدم نـسـجـل ملحمه بالغاضريه
خـلـي الـبـتـار - يـكـتب تذكار
دمـك و ادمـاي - مـا ريـد الـمـاي

للشاعر السيد عبد الخالق المحنه