اي وحك دم الذبيح؟الى سيدتي ومولاتي العقيله ع اقول

أي وحك دم الذبيح.. احنه نحميه الضريح
ماتهزنه اجموع اميه..ولاجموع الناصبيه
ولايهمنه اللي يطيح

أي وحك جف يالكفيل..وحيدره حامي الدخيل
علينه الحمل الثجيل..نطلعه بيدنه الدخيل

اليوم هاي الجعفريه..هبت بهاي المسيه
صوت واحد من نصيح

هاي بت فحل الفحول..هاي من دم الرسول
نحامي عن بنت البتول..اليوم دكو عل الطبول

ويانه ينادي البقيه.. يحمل ويانه سويه
نفزع ويانه المسيح

اليوم هبت هالجموع.. ويانه متحزم يسوع
اليوم ماتطفه الشموع..وتنزل وياهه الدموع

شلون نرضاهه سبيه..زينب تنادي عليه
مايصح الا الصحيح

التمت الاشراف بينه..وكصدت لراعي السفينه
تكله يمولاي جينه..نشيل حمل اللي علينه

وانذرت عمري واديه..فدوه اروحن للزجيه
اتمنه اموتن لو جريح

حضرت عدت قتالي..كاصد لبت المعالي
نشيل وحشته الليالي..مايظل النزل خالي

احنه زلم الجعفريه..شنهي ونهاب المنيه
رايد ابسده استريح

خادم اهل البيت
ابو علي السعيدي