نور حسين...................

(( نور حسين ))
الكون أزدهر ... بأجمـل صور ... سر النظر ... نور حسين
جــاني الخبر ... زال الخطـــر ... سر النظر ... نور حسين
كلبي طرب ... بأسمك ندب ... أنته منهلي أنته منهلي
************
شـعت أنوار أبو الأكبر والجنـاين مزهره
الحور فرحــانه وتغني بهالولاده مبشِــره
والموالي اليـوم حنـه چفـوفه للمولد سِــره
يحمل شـموع الســــعاده الورد بيده ينثِره
كســـر أبجمع ... هوا الشـــرع ... بيــّـه يشع ... نور حسين
ليّــــــــه درع ... يـــوم المنــع ... بيـّــه يشـع ... نور حسين
كلبـي طرب ... بأسمك ندب ... أنته منهلي أنته منهلي
************
كامل الأوصـاف حسـنك للخلك نورك ملك
صوّرك رب الجلاله ومن جـــــلاله جملك
جـدك الهـــادي محمد كَلّي ياهو أيمــــاثلك
أنت سُــــــلطاني وأمامي وألك يندار الفلكا
ليــوم أنــولد ... كلبي وسـعد ... هل عالوعد ... نور حسين
لربه ســــجد ...غنّه ونشـــــد ... هل عالوعد ... نور حسين
كلبـي طرب ... بأسمك ندب ... أنته منهلي أنته منهلي
************
سكن حُبك يابو اليمه بوسط دلالي وهمت
بي صُبح ثـابت يقيني أوبيك بس ألامانت
خلهـم يكـولن جـن بالهجنـون أنـــه فـزت
عابس الســــن هالعقيـده ومنه انـه تعلمت
راعــي الهمم ... فــازأوســــلم ... يـوم التـزم ... نور حسين
لا ما نــــــدم ... من دك جِــدم ... يـوم التـزم ... نور حسين
كلبي طرب ... بأسمك ندب ... أنته منهلي أنته منهلي
************
عاشگ أوولهان بيك من الزغر يابوعلي
أمي غذتني الولايـه وباســــمك أتردد ألي
تنــاغي يوليــدي أمامك بيه كل هم ينجلي
بالمهـد رضعتني حُبّـــــك يـاأمامي الأولي
سَر وأبتهج ... كلبي وهـزج ... أبدمي أمتزج ... نور حسين
لحُبك نسـج ... أجمـل مُهــج ... أبدمي أمتزج ... نور حسين
كلبي طرب ... بأسمك ندب ... أنته منهلي أنته منهلي
************
أبقى ليـك أنه الموالي وأقسـم أبطاها قسـم
أكَضي عمري خــادم أنه للذي عدكم خدم
ســــــاير بنهج العقيده وماتزل عنها القدم
واليخالف نهجك انت يكضي أخرته أبندم
عمره هَدَر ... أعمـه النظـَـر ... چي مابصَـر ... نور حسين
هناك أنحشَر ... بوادي سـقَر ... چي مابصـَر ... نور حسين
كلبي طرب ... بأسمك ندب ... أنته منهلي أنته منهلي
************
بقلم / سـعد مطلوب الخفاجي