غربه زينب عليها السلام

أدور عالصبر دلوني ﭽـا وينه عمت عيني الغريب يصد لي بعينه
انفطر بالغربه دلالي ياليل ارحم بحالي
انه بت فاطمة الزهره الما لمح واحد خيالي
اطلبك يا ليل طلبه مروتك ترفـﮓ بحالي
ما بقه غيرك أحشمه من بعد ذبحة رجالي
من بعد ما طاح العمد ما عندي غيرك معتمد
بركان ﮔلبي ما خمد شيطفي وآنه بغير والي
انه الما ﭽـانت نجوم السمه تصدلي
بعد هالساعه يلمح شامت لظلي
بعد من يرحم عيالي ياليل ارحم بحالي
آه ياليلة الوحشه شكثر طعم الوحشه مره
الليله بس حسيت بيها وشعلت بدلالي جمره
تصدﮒ اني الليله اشعر فارﮔت أمي الزهره
تصدﮒ يليل الفاجعه مع أني أمسي ملوّعه
ما ﭽنت أنام مروّعه وما ﭽنت أشعر بحسره
انه الليله اعرفتك طعمك صعب هظمه
بعد عين الأهل كل دنيتي ظلمه
بعد راح اللي يبرالي ياليل ارحم بحالي
تصدﮒ أول مره أشعر بالهظم وأجرع سمومه
تصدﮒ انته حسين ميت والزلم سلبوا هدومه
تصدﮒ الخيل اعله جسمه تجول يا وسفه بالحومه
تصدﮒ شفت ﮔطع النحر ياليل هاليوم الظهر
الله من هذا الخبر ويفحص ابن أمي بدمومه
انه ما صدﮔت من شفته بالمصرع
وعيت بلزمة ايده لإيدي لمبضع
وشمر حادينه ظل تالي ياليل ارحم بحالي
اليوم بس حسيت بأمي و انه ادافع جيش أميه
صدﮒ يبقه الوالي خيمه الحرمه تتظلل بفيه
وانه سوري وعمد بيتي انسحـﮓ تحت الأعوجيه
يبا عين أراقب هالحرم والروح جاهدها الألم
ياليل أقسم لك قسم تمنيت هذا الموت إليه
انه لحالي وغريبه وما طبـﮓ جفني
احارسهم و انه ياهو اللي يحرسني
وأخوتي مطرحه ﮔبالي ياليل ارحم بحالي
تصدﮒ أم الخدر زينب لا أخو يمها ولا عم
ضايعه وصدر اليضمها نسحـﮓ يا وسفه وتهشم
صوته ذكرني بالزهره الصاحت آ صدري تخذم
الله ينكبات الزمن من بعد حيدر والحسن
توليني حسرات ومحن والدمع صبيته من دم
بعد عزي ودلالي وموتة اخواني
الشمر وازلام أميه الليله ولياني
بعد غير الدمع مالي ياليل ارحم بحالي
خادم أهل البيت"ع"