لقمان البدران

وداعـة الله ياحسين
وداعـة الله ياحسين
** * **

سـلــّمت بيــدك يــَربــّـي .. وصلـَه من چـَبد الزچيـه
حســين ريحانــــة محمد .. وابن حمـّـاي الـحـَميـّــه
وداعة الله ياحسين
** * **
وداعـــة الله ودِّعيتـــــه .. وانــْـدَبت ربّ البريـّــــه
ماتـِخـِيب اظنون گلبـــي .. وانهـِضم بالغـــــاضريه
وداعة الله ياحسين
** * **
گال من يـِسـرج جـَوادي .. نـَــاوي أنـزل للثـِنيــّـــه
وانـــه أســـمع مايــِـگول .. واصفـگ اخدودي بديـّه
وداعة الله ياحسين
** * **
عـَفيـه گلبي شلون يــِگدر .. يـِصــبر بهـَــاي الرزيـّه
بيدي سَرج الموت جـِبته .. اوحظــِّــريتـه للمنيــّـه
وداعة الله ياحسين
** * **
أفدي كل عمري وحياتي .. ومـُهجتي تـِصبح هديـّــه
لـَون تـِتعدّه اعلــى خيــر .. ولـَون ســــالم رَد اليـّــه
وداعة الله ياحسين
** * **
رَيــت يــــاخويه عـِميت .. ولا شـِـفت دارك خليــّـه
ورَيت خَام الـچفن لـَفني .. گـبل لا شـــوفك رميــّـه
وداعة الله ياحسين
** * **
خويــــه حلـَّـفتك بابـُـوي .. وجدّي مَرسـُول البريـّـه
من نـِويت اتـروح عنــّي .. ما گـِلت زيـنب خطيـّــه
وداعة الله ياحسين
** * **
لـُو رحـِت تـِرحل يخويه .. الفرحـه وايـّـامي الهـَنيّه
اتوَدِّع الـگمره حيـــــاتي .. وتـِنزل الظـَلمـه عليـّــه
وداعة الله ياحسين