مصيبة كربله

قصيدة / مصيبة كربله
................................
................................

لا فلا ننسه مصيبة كربله
والهضيمه عالحرم واللي جره

..................

نلطم اعله حسين ما نعرف مَلَل
انت ثار الله يبن خير العمل
المجلسك نتعنه لو نفدي الاهل
وْنلطم عْله مصاب سبع الگنطره

..................


الدمك نْضحيله ما طال العمر
منك تْعلمنه معناهِ الصبر
والگلب عبرات مليان الصدر
والحزن عالدار وابنه الحيدره

..................

مني گال حسين هادينه الرسول
يا شهيد الدين يا اِبن البتول
دنيا والافلاك والمنطِق يگول
سرك الرحمن وحده يْقدّره

..................

بقتلك الاشراف كلها تْأثرت
فلسفه وْاَعلام بيك تحيرت
وانفنت ظلام ضدّك وانتهت
والله كلها اعداك بيك محيره

..................

نواسي جينه اليوم لامّك فاطمه
وْندري امِّ حسين تحضر مأتمه
چنّه صوت يصيح روحي هايمه
وكل عزاء يصير هيه تحْضره

..................

انت رمز الكل يثور وقدوته
وانت ابو الاحرار جَنّه بيعته
واليحبك دوم تعله هامته
والحساب هْناك انت تيسره

..................................
..................................

خادم اهل البيت عليهم السلام
الشاعر الحسيني
سعيد الفتلاوي الطويرجاوي