يعباس الخيم حركوهة

يعباس الخيم حركوهة
يعباس عالحرم شبوهة
.....................
يبو الجود انظر اعلة اعيالك
يلوعون العدة بطفالك
ينطرون تنجلي بهلالك
للاطفال ينمرد دلالك
بالحبال ياكمر سحبوهة
......................................
يصنديد انت كلهة اتهابك
الجيوش استفحلت بغيابك
من السياط كلهة دكت بابك
ينوحون مادريت احبابك
يعباس ابد ما رحموهة
.................................
يحماي زينب ابلا حامي
تناديك الحك اعلة خيامي
الحسين خوية طايح ظامي
والخيول داستة كدامي
والضلوع ياشهم رضوهة
...................................
للاطفال يمتة يوصل جودك
يوفاي يلة وفي اعهودك
اناديك خوية رد ازنودك
الجيوش ترتجف بوجودك
الخدور الكفر وصلوهة
...................................
يعباس العدة شافوني
وبالسياط ياشهم ضربوني
علة النوك خوية ايصعدوني
صحت وين ياهلي ردوني
يوليان العدة ردوهة
..................................
يعباس اختك وتدريني
النساوين محد اتدانيني
صرت هاي العدة تسبيني
أنة جيت وانت التحاميني
يخي كوم اختك وسبوهة
....................................
يعباس خوية انظر حالي
يعباس امشي أنة ابلا والي
وسف هيج الرجس تدنالي
والعيال هشمت دلالي
بالسياط ياكمر يحدوهة

لخادم اهل البيت وعضو منتدى الكفيل احمد عبد الزهرة الوائلي