نواعي لمصاب امير المؤمنين عليه الصلاة والسلام

نواعي لمصاب الامام علي
عليه الصلاة والسلام
...................................
...................................


الشيعه تعزي اليوم بمصابك يبو حسين

ليث الليوث اليوم تنعاك الموالين

ليلة گدر والناس تتباچه على الزين

والي اليتامه ليش غدروه الملاعين

........................

ياهو اليوصف الحال ياهو اللي يگدره

صوابك يبو الحسنين يبچي اللي يذكره

ساجد امامي وْحيف هالظالم يغدره

لا واحد وْ ماحود واگفله وْ يِنطره

........................

ليلة حزن والآم كوفه وْ كل مدينه

نرفع تعازي اليوم للحجه ولينه

بهالفاجعه نعزيه ربنه اللي يعينه

نفدي اله الارواح نبقه معاهدينه

........................

انت المعزّه اليوم مولانه ونواسيك

مصابك ببو الحسنين يالغالي نوافيك

مهدينه يا مولاي لوعات وْ نناديك

كلنه نروح فداك للموت وْ نواليك

........................

واسي العقيله ونوح عزيها بْاَبوها

عزيها بالمظلوم هاليوم افجعوها

گَوم الحقد والغيض بالوالي افزعوها

فوگ اليتم هاليوم زينب روْوعوها

........................

وينه اليِوِن وينوح ويواسي الهواشم

ليلة حزن والام حلت بالفواطم

نوح عْله ابوالحسنين عنوان المكارم

راعي الكرم والجود راعي العزايم


.................................
.........................

خادم الامام علي
عليه الصلاة والسلام
الشاعر
سعيد الفتلاوي الطويرجاوي