دارمي بين الاب وابنه

الأب..يوليدي بين ثنين لاتحط روحك
خافن شرار البين منهم يلوحك

الأبن...يابوية ماخليت روحي على شينة
بس لو شفت محتاج اركض واعينة

الأب..احفظ لسانك دوم من النميمة
ولو شفت شينة غير صيرلهه غيمة


الأبن...يابوية لتضن يوم ابنك وشة ونم
أنة الشفت اسرار بية الله يعلم

الأب...يوليدي سامح دوم حلوة السماحة
وصارح لون نوبات مرة الصراحة

الأبن...ابنك وتعرف زين طينة شتالي
سامحت ناس هواي مرمرو حالي


الأب....من كثر حب الناس حب امك الكاع
ولو شفت بينة عليك لاتغضب ابساع

الأبن...اتباهه وافخر دوم لو كلت ابنك
وبدربي شمعة اتصير كل جلمة منك[/h]