هوسات الى مولاي ابو الفضل العباس علية السلام

هـــــوســـــــات

بـﮔماطه البطل عباس بعده وينشد أعله حسين
وينه يـﮔول أبـو السجــاد وينه البي أﮔر العين
أريد أهديله هـاي العين وأهديله بعـد ﭼفيــــــن
وينطينـي مــن هَسـه الــرايــــه
ـــــــــــــــــــــ
بـﮔماطه البطـل والعين يمنه أديـرها يســره
ﭼـا وين العقيله يصيح أختي الطاهره الحره
أريد أجفوني اكحلها بيها وأرتـوي بنظــره
ولـن زينـب أتبـوس أﭼفوفــه
ـــــــــــــــــــ
تبـوس أبـﭼفـه وتـﮔلـه يـا عبــاس يـا ذخــري
زينـب خـويـا هـاي أنـا مـن أفديتــك بعمــري
أخذ روحي واخذ عيني وأخذ يا كافلي صبري
وأحميلــي يـا لكـافـل خـدري
ــــــــــــــــــــــــ
شـك لـﮔماط أبـو الكلفات شــﮔـه وصاح عد عيناﭺ
أنـا الـهـايَّ صـرت أنـه وخلينـي علـى يمنــاج
طلبي وآمري يَختـي والله الروح كلها أفــداج
جربينـي مـن زغـري وشـوفـي
ـــــــــــــــــــــــ
حيــدرمن سمع عباس فـك أﮔماطه مــن عنـده
هــاك الرايــه يـوليـدي ﮔلــه وقبلــه بـزنــده
أريـد تشيلـهـا بعينـك يبنـي السـاعــة الشــده
هَـوس بيهــا عبـاس وهـِــد
ـــــــــــــــــــــــــ

عالرايــه سجــد عبـاس حمـداً شــكراً الربــه
بس باقـي سـؤال يريـد يسـأل ضامـه بـﮔلبــه
ﮔام وما صبر لن صاح وين السيف والجربه
خـل سيفــي يلعـب بيمينـــي
ـــــــــــــــــــــ
عفيـه عليك أم عبـاس صاحـت بالرفـع راسـي
يَـم حيـدر علـي الكرار والزهره وهلى وناسي
شيـــل الحــره بعيـونــك وحسينــك يعبـاســـي
وأفتـح شـاطـي يَـم جـدم أختــك

كريم الحاج فليح