قصيدة الشاعر سعد الذبحاوي

آهُ واويلاه ماتت فاطمه و باالحزن و النوح ظل حامي الحمه
***
حيدر ينادي و يهل دم الدموع ايقول لا تسألوني من كسر الضلوع
إلها المصاب القلب ما يهجع يلوع إمصاب من أجله جرت عين السمه
**
إسأل من الليل عن متن البتول جم جرح يخفي متن بت الرسول
و بصدرها الأثر واضح ما يزول و عينها امن السطره تتسايل دمه
**
إسأل امن اجفون زينب عالمصاب و الحسن و احسين ينطوك الجواب
آه من كثر الهضم دلالي ذاب من أشوف أطفالها متألمه
**
حنه ظهره اعله النعش و أبده النداء هذا أخير اوداع لو بعده لقاء
ليش عفتي اقليبي بالهم و العناء بعد صوتج قلي قلبي ايكلمه
**
راح صوتي بألم و اهموم و محن وين زينب وين الحسين و حسن
خلي يتزودون من أم المحن و عالنعش واحدهم ابلهفه انرمه
**
يا نعش يا اللي شلت أطهر جسم بالك اجروح الزجيه تنلجم
و عالزنود آثار صارت كالوسم يا نعش و اضلوعها متهشمه
**
علي جنح الليل شيعها ابصبر و دفن وياها الأماني بالقبر
يالحنينه صاح ماريد العمر شلي بعمري و كل حياتي مظلمه
**
صاح يالهادي الوديعه الطاهره رجعت و مو مثل ما جانت تره
رجعت و منها الضلوع امكسره قوم و استقبلها جت متألمه
هذه القصيده قرأتها في الموكب وكانت هناك موالين كثيره
واتمنى من الشعراء ان يبدعوا ويكتبو لي قصائد