الشاعر سيد نعيم آل مسافر

عله الزهره الزجيه تنوح شيعتهه .... مو شيعي الينام وينسه هضمتهه
****************** ********************
صعبه أعله الغيور تشوف عينه النوم .... واحنه اولاد حيدر ما رضينه السوم
نرد حته الشمس بجفوفنه امن انكوم .... مثل اجفوف ابونه شلون ردتهـــــــــه
******************************
عدنه اجفوف تسطر سطرة الحمزه ..... مانرضه المــذله نمـــــــوت بالعـــــزه
ولجل ثار الزجيه العالم انهـــــــزه ..... عتبــــــه وما تفــــــــتض للموت عتبتهه
*****************************
عتبه وما تفض هجمتهم اعله الدار ..... ظلت بالكلب لليـــــــــــوم ذيج النــــــــار
وحق راعي الوصيه الجتفت الكرار ..... نفس ذيج الوصــــــــــيه الشيعه جتفتهه
*****************************
تجتفنه الوصيه ونصبر اعليهه .... نصب دم ودمع والكاع نرويـــــــــــــــــــــهه
رغم العله نعرف خوش نجويهه ..... ونكــــــــص ايــــــــد اعتدت والباب دفعتهه
*************************************
لأن بكل عصر تدفع علينه الباب .... نفـــــــــــــــــس ايد الزنيم ومنهج الارهاب
ماطاب الضلع لليوم ابد ماطاب ..... عـــِـله بكل كلب محزون علـــــــــــــِتهه
************************************
علتهه بجبين الغــــــــــيره مكتوبه...... نوبه انكول نصبر ننتفـــــــــــــض نوبه
شلونا منه الزجيه تموت منكوبــه ...... مو شيـــــــــــــعي الينام وينسه نكبــــتهه
***************************************
منكوبين كلنه وكلنــــــــــه ديانه ......... نطلب بالضلع وبــــــــــــــــدم ضحايانه
روح ودور التــــــــــاريخ تلكانه ....... صفحه وفاطــــــــــــــمه الزهراء كتبتهه
*************************************
خادم الزهراء .... سيد نعيم آل مسافر