قصيدة (( جبنالج سلامين)) للعقيله زينب (ع)

(( جبنالج سلام ))
ـــــــــــــــــــــــــ
كريم الحاج فليح
نسألكم الدعاء

أمنبوج المرتضى حامي دخيله * سلام أويانه جبنه يالعقيلــــــه
وجبنالج سلاميـــن
من عباس وحسين
سلام أويانه جبنه يالعقيلــــــه
ــــــــــــــــــــــــ
كبل ماجيج أزورج يم الأحزان * كصدت أرض النجف وبكلب ولهان
زرت المرتضى وقريت قرآ ن * وقبلت الضريح بكلب فرحــــــــان
وجن صوت وسمعته
يناديني أبعبرتـــــــــه
وياك أبعث سلامي للجليلــــــه * سلام أويانه جبنـه يالعقيلــــــــــه
ــــــــــــــــــــــــ
وبعد هاي الزياره الكربله مشيت * لخوج حسين يا لحره تعنيــــت
دخلت أبيمنتي وبسم الله سميــت * وركعتين الزياره يمه صليـــــت
وشباجه لزمتـــــــــه
حاجاني وسمعتــــــه
عليج أيسلم ودمعه يسيلـــــــــه * سلام أويانه جبنه يالعقيلـــــــــه
ــــــــــــــــــــــــــ
ومن أحضان أبو عبد الله شفته * كام وجن شفت سهم أبركبتــــه
سلام أيريد جن يبعث العمتــــه * وشفته أمنالعطش ذبلانه شفتــه
سلملي أعل عمتي
كال وسكنه أختـي
وعلى أختي رقيه والعليلـــــــه * سلام أويانه جبنه يالعقيلـــــــه
ـــــــــــــــــــــــــ
وشفت بدرين كاموا من لحدهم * شموس وساطعه يالحره جنهــم
ورسايل هاي الج جبت انه منهم * وأبلغج بالتحايا اليوم عنهـــــــم
الج بيهن ســـلامين
حبرهن دمعة العين

لم جسام وصليهن وليلــــــــه * سلام أيانه جبنه يالعقيلـــــــــه
ــــــــــــــــــــــــ
ورحت يالحره للعباس زرته * وأول ما دخلت أنه بحضرتـــه
يتراوالي شفت عالخد دمعته * حين اللي عرف رايح لخيتـــه
كلي أبحق دمعتــي
سلملي أعل أختـي
وكلهه أعليج متكطع دليلـه * سلام أويانه جبنه يالعقيلـــــــه
ــــــــــــــــــــــــ
جني يالعقيله كعدت يمــــــه * ساعه أبعينه ساع أبجفه أشمــه
كلي هذا مكتوبي تسلمـــــه * الزينب يالمحب بالكلب ضمــه
ويكلــــــج يدنيـــــاي
بعدي أشربتي الما ي
يا مهجة أخوج و يالأصيلــه * سلام أويانه جبنه يالعقيلــــــه
ــــــــــــــــــــــــ
ويم العلكمي رحت وسألته * ليش الماي عن زينب كطعته
شفته أمنالحزن تجري دمعته * مو أنه يكلي وجر حسرتـــــه
بنادم من كطعنـي
وذبح عباس يمي
وحك خدرج يحره وجف كفيله * سلام أويانه جبه يالعقيلـــــــــه