الامام الحسين يخاطب ابنه الاكبر _ع_ محرم 1435_

يوليدي الوداع صعب يوليدي الوداع
لا ترحل ابساع صبر لا ترحل ابساع
خليني اشبكك شبكة الهيام / واحجيلك انه اشعندي من كلام
لا ترحل ابساع صبر لا ترحل ابساع


ابقى يا اجمل حلم ما ريد اضيعك
لو تصير اكبر جرح ماريد اودعك
خلي تجري دمعتي او لايجري دمعك
ابقى يمي اوانتضر لتلبسه درعك

ضل يمي لحضات بعد ضل يمي لحضات
اتذكر الفــــــات وحن اتذكر الفـــــــــات
اتذكرني انت ابسيد الانام / واحجيلك انه اشعندي من كلام
لا ترحل ابساع صبر لا ترحل ابساع

صاحت اجروحي ابألم الله او اكبر
كلبي ناداني ابحزن لتعوف الاكبر
انت لوداعي اذا يوليدي تكــــــدر
مكدر انه او لو رحت وناتي تكثر

دمعات الخدود حجن دمعات الخدود
ماضنك اتعود اللي ما ضنك اتعود
بعدك عليه ايخيم الضلام / واحجيلك انه اشعندي من كلام
لا ترحل ابساع صبر لا ترحل ابساع

صعبه انسه ذكرياتي اللي عشتها
دنيتي يمك يالاكبر خلصتهـــــــــا
يبني روحي انت ابوداعك كطعتها
رايح انت من كلت روحي خذتها

بعيونك اسهام شفت بعيونك اسهام
هاي اخر ايام الك هاي اخر ايام
عالدنيا بعدك ياعلي السلام / واحجيلك انه اشعندي من كلام
لا ترحل ابساع صبر لا ترحل ابساع
اوداعة الله يالولد مكدر اكلــــــــــــك
لرو رحت مترد اللي او لا راح اردلك
من تطيح اعله الثرى بيديني احملك
او بالخيم يم امك اموذر اخـــــــــــلك

من تنضر اعليك تون من تنضر اعليك
ارجع تناديــــــك اللي ارجع تناديــــــك
امك تنوح او تبجي بالخيام / واحجيلك انه اشعندي من كلام
لا ترحل ابساع صبر لا ترحل ابساع

انت يا اجمل ورد بحساسي اشمه
لو رحت منهو الذي الصدري اضمه
انه اتمنه يغالي اعيوني تعمـــــــــه
او لا وذر انضرلك او جسمك المه

جسمك اللم بيه وسف جسمك اللم بيه
راسك احاجيه وون راسك احاجيـــه
المثلك امكطع وصل حرام / واحجيلك انه اشعندي من كلام
لا ترحل ابساع صبر لا ترحل ابساع

يبني خلنه للحرب نمشي سويه
حتى من انموت هم ايدك بديه
ينخبط دمي اويه دمك عالوطيه
واللي بيك ايصير هم ايصير بيه

للموت انه اوياك اضل للموت انه اوياك
عيني اعله عيناك تصد عيني اعله عيناك
ابنفس اللحد خل ياعلي ننام / واحجيلك انه اشعندي من كلام
لا ترحل ابساع صبر لا ترحل ابساع


للشاعر / حيدر الحلفي