مرسوم الغدير

صدر امر الاله وتوقع المرسوم * بالمرسوم كل ورد الرساله اثمر

بقرار الباري تمت نعمة الاسلام * كمل هالدين كله بصايته واثمر

جبريل استلم هذا القرار وطار * فرح بالايه كلبه اليوم واستبشر

على الجنحان ايات وتشع بالنور* تفوح اعطور منهه ونفحة الكوثر

عله جنح اليمين اسم النبي مطرز * حيدر بالولايه اعله الجنح الايسر

هبط يم الغدير وغايته التبليغ * عن اعظم قضـــــــيه ومسأله واخطر

وكف خلف النبي من الشمس غطاه * رسم لوحه بوكفته زاهيه المنظر

محتوم الامرهذا القرار الصار * كتاب امن الكريم اعليه ختم وامهر

الك يبعث سلامه ويطلب التبليغ * يريد امرالوصي يالمصطفه يظهر

متم هالرســـــاله وما يتــــــــم الدين * الا بالامير اللــــــــــيله يتــــأمر

ناده المصطفه وبعيونه نور افراح * شرح امر الجليل بحكمته وفسر

علي مولى الكل واحد جنت مولاه * قرار امن العظيم الصدره وقرر

الاهي والي كلمن يتبعه اولاه * وخلي الماينــــــصره باخره يخسر

عادي ياالاهي الضده والعاده * وخل كلب الحــــــقد باحقاده يتفطر

تمت بالولايه نعمته الهالدين * من بلغ نبـــــــــــــــينه وبعلي بشر

علي سيف الاله وكل فخر للدين * علي بدمه وحـــــــــياته للنبي اّثر

علي شمس الشموس ومهجة الاسلام * علي درب العداله بغيره نتعثر

علي كل العدل من يمشي يمشي اوياه * علي والحك ابد عنه ميتكر

علي بمنزلته جن هارون من موسه * علي القران بيه الناس تتدبر

علي العدّل درب هذا الشرع بالسيف * علي الخله هبل واللات تتكسر

علي فوك البشر ربنه الذي علاه * علي باب العلم يمّه العلم كنطر

علي وللبضعه غيرك تدري مايرهم * علي غصن الحياة البدمه خضر

اذا كلنه علي كالو شــــــــــرك بالله * اذا كلنه الوصي تاليهه نتكفر

علي ولولاك جا فكر النبي نهبوه * وجا فكر الرذيله اليوم يتبختر

علي ولولاك جا ضعنه يبو الحسنين * مايبقه عراق وباسمه نتذكر

علي ولولاك جا مهدي الامم ميكوم * ولا يبقه بشر للمهدي يتنطر